Мокеева Н.С. Тігін кәсіпорындарын жобалау

3.1.1 Құрылымдық - ақпараттық үлгі құрамы Өндірістік цехтардың (эксперименттік, пішу, дайындау және тігін) құрылымдық - ақпараттық үлгісі бір - бірімен тығыз байланысты. Құрылымдық - ақпараттық үлгінің өзі құрылымдық үлгіден және ақпараттық үлгіден тұрады. Жүйенің құрылымдық үлгісі , соның ішінде киімді дайындау , өндіріс процесінің құрылымын көрсетеді, кіші жүйелердің құрамын, оларды жобалау кезеңдерін, сондай - ақ шағын жүйелер жұмысының жалпы тізбегін, оларда жұмыс істейтін тапсырмалар шеңберін, тұтас ретінде қарастырылатын кез - келген элементтердің өзара байланысын анықтауға мүмкіндік береді және материалдық және ақпараттық ағындарды үйлестіру үшін негіз қызметін атқарады, яғни басқару жүйесін жақсартуға мүмкіндік береді. Бұл ретте, барлық жүйенің жұмыс істеу мақсаты келесі факторлардың негізінде анықталуы мүмкін. Талдау бүкіл халық шаруашылығының жұмыс істеу мақсатын анықтаудан басталады, азырақ күрделі жүйелер – өнеркәсіп салалары және содан кейін кемуі бойынша, кәсіпорынның, жеке ішкі жүйелерді басқарудың тәуелді мақсаттары және әрбір ішкі жүйенің тапсырмаларды шешуі анықталады. Бірінші болып жеке, тактикалық және жедел сипаттамаларын анықтайтын стратегиялық мақсаттары таңдалады. Мақсаттардың мұндай иерархиясы басқарудың жүйелілігін қамтамасыз етеді. Бұл ретте әрбір деңгейде аталуы бойынша сияқты, мазмұны бойынша да барлық мақсаттар бірдей болу міндетті емес . Бастысы, төменгі деңгейдегі мақсаттардың жиынтық әсері жоғары деңгейдегі мақсатқа жетуге мүмкіндік бергені . Тізбекті талдау мен бөлу әдісімен салаға, кәсіпорынға және цехқа сәйкес келетін құрылымдардың мақсаттарын алады. Деңгейлерге тиістілігіне қарамастан, әрбір бөлімнің жұмыс істеуі жалпы құрылымды жалпы мақсатқа жету арқылы оңтайландыруды қамтамасыз етуі керек. Жеңіл өнеркәсіп кәсіпорынының мақсатын анықтау үшін сұрақты шешуге интерактивті тәсілмен де бару керек. Бүкіл өнеркәсіптің басты міндеті халықтың материалдық және мәдени өмір сүру деңгейінің көтерілу курсын бірізді түрде жүзеге асыру болып табылады. Бұл жеңіл өнеркәсіптің басты мақсаты. Тігін кәсіпорыны жұмысының мақсаты жеңіл өнеркәсіптің негізгі мақсатымен байланысты болып табылады. Осы жүйеге қойылатын талаптар төмендегідей болуы мүмкін: жұмыскерлердің өмір сүру деңгейін елеулі арттыруды қамтамасыз ету үшін қажетті ассортимент және реттелетін сапада, қажетті мөлшерде киімді өндіру . Сәйкесінше, тігін өндірісінің әрбір кіші жүйесінің жұмыс істеу мақсаты тігін кәсіпорынының мақсатына байланысты.