Камалова, Г.А. Бағдарламалық жобаларды басқару

Бағдарламалық қамтамасыз етуді дайындаудың әрбір жобасында өздерінің ұйымдастырушылық құрылымы болады, ол жобаға қатысушылар арасында жауапкершілік пен өкілеттіктердің бөлінуін, сондай-ақ есеп беру жауапкершілігінжәне қатынастарын анықтайды. Жоба аз болған сайын, бір орындаушы бірнеше рөлді біріктіріп атқаруына тура келеді. Жобаларды басқару процесстерін қолдану. Жобаны басқару жобаларды басқару процесстеріне итерация қолдану жолымен жүзеге асырылады. Әдетте, келесі функционалдық бағыттардағы жобаларды басқару процесстеріне көп көңіл бөлінеді: 1. Жобаның пәндік аймағын басқару (мазмұны мен шекарасы) - жобаның мақсаттарын, нәтижелерін және табыстылығын бағалау критерийлерін (ақпараттық-коммуникациялық технологиялар саласында, әсіресе бағдарламалық жасақтама әзірлеу саласында, бұл қызмет конфигурацияны басқару деп аталады) анықтау. 2. Уақыт параметрлері бойынша жобаны басқару - жобаны топтарға және жеке жұмыстарға бөлу; жұмыстардың ретімен орындалуын, ұзақтығын және кестесін анықтау - жобаның күнтізбелік жоспары; жобаның күнтізбелік жоспарындағы өзгерістерді бақылау. 3. Жобаның құнын басқару - жобаны іске асыруға қажетті ресурстардың түрлері мен санын анықтау; ресурстар мен жұмыстардың құнын анықтау; шығындар мен кірістерді, сондай-ақ бюджеттің өзгеруін есепке алу және бақылау. 4. Сапаны басқару - жобаға қатысты сапа стандарттарын, қажетті сапа деңгейіне жету жолдарын және сапаны қамтамасыз ету шараларын анықтау; сапаны бақылау. 5. Қызметкерлерді басқару - жобалық персоналды үйлестіру және бағыныстыру өкілеттіктерін, жауапкершілігін және қарым-қатынастарын бөлу; ұйымдастырушылық және ресурстық диаграммаларды құру; жобаны жүзеге асыруда қатысатын жобалық топты және персоналды іріктеу; жобалық топты жетілдіру. 6. Коммуникацияларды басқару - жобаның ішінде және одан тыс ақпараттың көздері мен тұтынушыларын анықтау, ақпараттарды ұсыну мерзімдері мен мерзімдері, ақпарат беру әдістері; таратылатын ақпарат түрлерінің сипаттамасы; Жобаны іске асыру кезінде ақпаратты тарату процедураларын басқару. 7. Жобалық ауытқуларды басқару: тәуекелдерді басқару - жобаға эсер етуі мүмкін факторларды анықтау; Ықтимал жобаның нәтижелеріне тәуелділік жағдайларын анықтау; тәуекелдерді басқару әдістері мен стратегияларын дамыту; профилактикалық қызметті жоспарлау, енгізу және бақылау; проблемаларды басқару - туындаған мәселелерді анықтау (техникалық, функционалдық, негізгі бизнеске эсер ету және т.б.), оларды талдау, шешімдер қабылдау және іске асыру, жобалық проблемаларды ресми жабу және бақылау; өзгертуді басқару - бұрын келісілген 13